ဘာသာရေး အဓိကရုဏ်းတွေကို နောက်ကွယ်က စီစဉ်ခဲ့တာလို့ဆို

မန္တလေးမြို့နဲ့ မိတ္ထီလာမြို့တွေမှာ ဖြစ်ပွားခဲ့တဲ့ ဘာသာရေး အဓိကရုဏ်းတွေဟာ မမြင်ရတဲ့ လက်မည်းကြီးတွေက နောက်ကွယ်ကနေ အစီအစဉ်တကျ ကြိုးကိုင် ပြုလုပ်ခဲ့တာ ဆိုပြီး အမေရိကန် အခြေစိုက် Jutice Trust မြန်မာဌာနခွဲက အစီရင်ခံစာ တစ်စောင် ထုတ်ပြန်လိုက်ပါတယ်။

၂၀၁၅ ရွေးကောက်ပွဲ နီးလာချိန်မှာ မလိုလားအပ်တဲ့ အဓိကရုဏ်းတွေ ဖြစ်မလာဖို့အတွက် ဒီအစီရင်ခံစာကို ထုတ်ပြန်ခဲ့တာ ဖြစ်တယ်လို့ အချက်အလက်တွေကို ပြုစုခဲ့သူ တစ်ဦး ဖြစ်တဲ့ ရှေ့နေ ဦးသိန်းသန်းဦးက ဘီဘီစီကို ပြောပါတယ်။

အဲဒီ လက်မည်းကြီးဟာ လက်တံ ရှည်ပြီး အလှမ်းကျယ်တဲ့အတွက် ဘယ်သူရယ်လို့ သက်သေမပြနိုင်သေးဘူးလို့လည်း သူကပြောပါတယ်။

ဒီလို ဘာသာရေး အဓိကရုဏ်းတွေ ဖြစ်အောင် လုပ်လိုတဲ့ ရည်ရွယ်ချက်တွေကို ကြည့်ရင် အချက် ၃ချက် တွေ့ရတယ်လို့ ဆိုပါတယ်။

သမ္မတ ဦးသိန်းစိန်ကို မလိုလားသူတွေက သမ္မတ ရာထူး နောက်ထပ် သက်တမ်း အတွက် ယှဉ်ပြိုင်လိုစိတ်နဲ့ လုပ်တာ ဖြစ်နိုင်ကြောင်း၊ ဒုတိယ အချက်က NLD ကို ပစ်မှတ်ထားပြီး ဘာသာရေး အရ ခုတုံးယူ နိုင်ငံရေးအရ အသာစီး ရဖို့ လုပ်တာ ဖြစ်နိုင်သလို စစ်အုပ်ချုပ်ရေးအောက်မှာ ရွေးကောက်ပွဲ ကျင်းပချင်တဲ့ ဆန္ဒရှိသူတွေက တိုင်းပြည် မငြိမ်သက်အောင် လုပ်ပြီး ရွေးကောက်ပွဲ ရွှေ့ဆိုင်းအောင် လုပ်တာ ဖြစ်နိုင်တယ်လို့ ရှေ့နေ ဦးသိန်းသန်းဦးက ပြောပါတယ်။

တစ်ခါ ရဲတပ်ဖွဲ့လို အစိုးရ တာဝန်ရှိသူတွေ အနေနဲ့ အဓိကရုဏ်းတွေကို ထိထိရောက်ရောက် အရေးယူတာမျိုး မရှိခဲ့ဘူး ဆိုတာကို ဓါတ်ပုံ အထောက်အထားတွေနဲ့ တွေ့ရတယ် လို့လည်း ဆိုပါတယ်။

သမိုင်းအမှန်နဲ့ သမိုင်းကျန်ခဲ့သူ

(ဝဲမှ ယာ) ဗိုလ်မှူး ဘရှင်၊ ဦးဘိုကေ၊ မင်းသုဝဏ်၊ မစ္စတာ လု(ခ်) (ဓာတ်ပုံ – သပြေညို)

နိုင်ငံတနိုင်ငံရဲ့ သမိုင်းအမှန်ကိုသိရဖို့ သမိုင်းပညာရှင်တွေရဲ့ အခန်းကဏ္ဍဟာ အထူးပဲ အရေးကြီးပါတယ်။ သမိုင်းကို မှန်မှန်ကန်ကန် သိမြင်နိုင်မှသာ အတိတ်မှာ ဘာတွေဖြစ်ခဲ့ တယ်ဆိုတာ ရှင်းရှင်းလင်းလင်း သုံးသပ်နိုင်ပြီး အနာဂတ်အတွက် ပြင်ဆင်နိုင်မှာပါ။ အဲဒီလို သမိုင်းအမှန်တွေသိရဖို့ ကြိုးစားအားထုတ်ပြီး သုတေသနတွေပြုလုပ်၊ ဆောင်းပါးတွေ ရေးသားခဲ့တဲ့ ကမ္ဘာသိ မြန်မာ့သမိုင်းပညာရှင် တယောက်ကတော့ “ဇေယျကျော်ထင် ဗိုလ်မှူးကြီးဘရှင်” ပါပဲ။ ဗိုလ်မှူး ဘရှင်ကို ၁၉၁၅ ခုနှစ်၊ ဒီဇင်ဘာလ ၂၇ ရက်နေ့မှာ မွေးဖွားခဲ့တာမို့ ၂၀၁၅ ခုနှစ်ဟာ နှစ်တရာပြည့်တဲ့နှစ် ဖြစ်ပါတယ်။ လက်ရှိ မျိုးဆက် တွေအနေနဲ့ ဗိုလ်မှူး ဘရှင် ဘာတွေလုပ်ခဲ့သလဲ၊ ဘာကြောင့် ကမ္ဘာကပါ လေးစား အသိအမှတ်ပြုရတဲ့ သမိုင်းပညာရှင်တယောက် ဖြစ်ရတာလဲဆိုတာ သိဖို့ လိုပါတယ်။ ၂၀၁၅ ခုနှစ်၊ ဇန်နဝါရီလ ၂၄ ရက်နေ့ က ဗဟန်းမြို့နယ် “တော်ဝင်နှင်းဆီ (သီရိခန်းမ)” မှာ ကျင်းပခဲ့တဲ့ “ဇေယျကျော်ထင် ဗိုလ်မှူးကြီးဘရှင် ရာပြည့်အကြို အခမ်းအနား” က ကျမတို့ သိချင်နေ တဲ့ အဖြေကို ပေးစွမ်းနိုင်ခဲ့ပါတယ်။ ခန်းမထဲကို ဝင်လိုက်တယ်ဆိုရင်ပဲ ဗိုလ်မှူး ဘရှင်ရဲ့ ခန့်ညားတဲ့ ဓာတ်ပုံဒီဇိုင်းကို တွေ့လိုက်ရလေရဲ့။ အခမ်းအနားကိုတက်ရောက်လာကြသူ အတော် လေးများပြားသလို နယ်ပယ်အသီးသီးက ပုဂ္ဂိုလ်တွေ တက်ရောက်လာတာဟာ အားတက်စရာ ကောင်းပါ တယ်။ ဗိုလ်မှူး ဘရှင်ဟာ တပ်မတော်မှာ စစ်အရာရှိ အနေနဲ့ တာဝန်ထမ်းဆောင်ခဲ့ပြီး လူထုက ချစ်ခင်ရတဲ့ တပ်မတော်အရာရှိတယောက် ဖြစ်ခဲ့တာကလည်း ထူးခြားမှုပါ။ ဗိုလ်မှူး ဘရှင်ရဲ့ ဘဝကောက်ကြောင်းတွေဟာ စိတ်ဝင်စားစရာကောင်းတဲ့ အဖြစ်အပျက်တွေ၊ လုပ်ဆောင်ချက်တွေနဲ့ ပြည့်နှက်နေပါတယ်။ သူဟာ ပျဉ်းမနားဇာတိဖြစ်ပြီး ၁၉၃၃ ခုနှစ်ကနေ ၁၉၃၈ ခုနှစ်အထိ ရန်ကုန်တက္ကသိုလ်၊ ယုဒသန်ကောလိပ်မှာ ပညာသင်ကြားခဲ့ပါတယ်။ ၁၉၃၈ ခုနှစ်မှာတော့ အရှေ့တိုင်းရာဇဝင် ဂုဏ်ထူးတန်းနဲ့ ဝိဇ္ဇာဘွဲ့ရခဲ့တာ ပါ။ ၁၉၃၈ ခုနှစ်ကနေ ၁၉၄၁ ခုနှစ်အထိ ရန်ကုန် တက္ကသိုလ်မှာ အရှေ့တိုင်းရာဇဝင်နည်းပြ၊ အဲဒီက နေ လက်ထောက်ကထိကအဖြစ်နဲ့ တာဝန်ထမ်း ဆောင်ခဲ့ပါတယ်။ မြန်မာနိုင်ငံ သမိုင်းကော်မရှင်တယောက်ဖြစ်ခဲ့ တဲ့ ဗိုလ်မှူး ဘရှင်ဟာ မြန်မာနိုင်ငံအပေါ် သစ္စာ စောင့်သိတဲ့ အစ္စလာမ်ဘာသာဝင်တယောက် ဖြစ် တယ်ဆိုတာကိုတော့ မမေ့မလျော့ ထည့်ပြောရပါ လိမ့်မယ်။ အစ္စလာမ် ဘာသာဝင်တယောက် ဖြစ်ပေမယ့် ဗမာစာ၊ ဗမာစကားမှာ ကျွမ်းကျင်ခဲ့သလို ပါဠိမှာလည်း အထူးကျွမ်းကျင် ခဲ့တာပါ။ သမိုင်းနဲ့ ပတ်သက်တဲ့ ဆောင်းပါးတွေကို နိုင်ငံအကျိုးကိုပဲ ရည်မျှော်ပြီး ရေးသားခဲ့သလို တိုင်းရင်း သားတွေနဲ့ တသားတည်းရှိတဲ့ ပညာရှင်တယောက်ရဲ့ စိတ်ဓာတ် ကို ချီးကျူးလေးစားရပါလိမ့်မယ်။ ၁၉၄၂ ခုနှစ်ကနေ ၁၉၄၃ အထိ ဗိုလ်မှူးဘရှင်ဟာ ဂျပန်ခေတ် အာရှလူငယ်အစည်းအရုံး ဥာဏ ဗလ တာဝန်ခံ၊ ၁၉၄၃ ခုနှစ်မှာ ဗမာ့ကာကွယ်ရေး တပ်မတော်မှာ ဗိုလ်ကြီး၊ တပ်မတော်ပညာရေး ပညာရှင်ဖြစ်ခဲ့သလို ဂျပန် တော်လှန်ရေးမှာ တိုင်း ၄ ကနေ ပါဝင်ခဲ့ပါတယ်။ ၁၉၄၅ ခုနှစ်ကနေ ၁၉၅၆ ခုနှစ်အထိ တပ်မတော်မှာ ဗိုလ်မှူး၊ အင်္ဂလန်မှာ စစ်သံမှူး ဒုတိယ ဗိုလ်မှူးကြီး၊ ၁၉၆၀ ခုနှစ်ကနေ ၁၉၇၀ ခုနှစ်မှာ မြန်မာနိုင်ငံ သမိုင်းကော်မရှင် ကျမ်းပြုအရာရှိအဖြစ် တာဝန်ထမ်းဆောင်ခဲ့တယ်လို့ သိရပါတယ်။ တိုင်းရင်းသား ဘာသာစကားတွေ သင်ကြား နိုင်ဖို့ကြိုးစားနေတဲ့ အခုအချိန်နဲ့ နှိုင်းယှဉ်စဉ်းစား ကြည့်ရင် ဗိုလ်မှူးဘရှင်ကို ခေတ်ရှေ့ပြေးသူတယောက် လို့သတ်မှတ်ရမှာပါပဲ။ ဘာဖြစ်လို့လဲဆိုတော့ သူဟာ မွန်၊ ခမာ၊ တိဘက်၊ မြန်မာ၊ ရှမ်း၊ တရုတ်နဲ့ အိန္ဒိယ ဘာသာစကားတွေကို လေ့လာလိုက်စားခဲ့လို့ပါ။ ကျောက်စာဖတ်ရာမှာ ကျွမ်းကျင်ခဲ့သလို ခေတ် ဟောင်း မွန်မြန်မာ ကျောက်စာ၊ မင်စာနဲ့ မြန်မာ့ တိုင်းရင်းသား လူမျိုးစုရေးရာတွေမှာ အဆုံးအဖြတ် ပေးနိုင်တဲ့ ပညာရှင်တဦးအဖြစ် သတ်မှတ်ခံခဲ့ရပါ တယ်။ ရာပြည့်အကြို အခမ်းအနားကို တက်ရောက် လာသူတွေထဲက သမိုင်းပါမောက္ခဟောင်း ဒေါက်တာ ခင်မောင် ညွန့်၊ NLD နာယက သူရဦးတင်ဦး၊ ရွှေဝါ ရောင် သံဃာ့တပ်ပေါင်းစု ဆရာတော် ဦးဩဘာသ၊ ရခိုင်တိုင်းရင်း သား ခေါင်းဆောင် ဦးအေးသာ အောင်၊ ဘာသာပေါင်းစုံ ချစ်ကြည်ရေးအဖွဲ့က အစ္စလာမ် ဘာသာရေး ခေါင်းဆောင် ဦးအေးလွင်၊ ခရစ်ယာန်ဝတ်ကျောင်းတော်များ ကော်မတီအတွင်းရေးမှူး သိက္ခာတော်ရ ဆရာတော် ဦးစောရွှေလင်း၊ ဟိန္ဒူဘာသာရေး ခေါင်းဆောင်ဖြစ်တဲ့ ဦးစန်းမင်းနိုင်၊ Pen Myanmar က စာရေးဆရာမ မသီတာ (စမ်းချောင်း)၊ ၈၈ မျိုးဆက် (ငြိမ်း/ပွင့်) က ကိုမင်းဇေယျာ၊ ကချင်အမျိုးသမီး ငြိမ်းချမ်းရေးအဖွဲ့က ဒေါ်ခွန်ဂျာ တို့က ဗိုလ်မှူး ဘရှင်နဲ့ ပတ်သက်ပြီး အမှတ်တရ စကားတွေ ပြောကြားခဲ့ကြ ရာမှာ လက်ရှိ နိုင်ငံအခြေ အနေနဲ့ ဆက်စပ်ပြောသွားတာကလည်း စိတ်ဝင်စားစရာ ကောင်းနေပါတယ်။ သိပ်မကြာခင်ကပဲ ရှမ်းပြည်နယ် ပန်ဆိုင်းမြို့ နယ် ကောင်းခါးရွာမှာ ကချင်ခရစ်ယာန် သာသနာပြု လုပ်အားပေး ဆရာမနှစ်ယောက် အဓမ္မပြုကျင့်သတ် ဖြတ်ခံခဲ့ရတဲ့ အဖြစ်အပျက်က တိုင်းရင်းသားတွေ ကြားမှာ တုန်လှုပ် ချောက်ချားခဲ့ရပါတယ်။ တိုင်းရင်း သား လူနည်းစုတွေအပေါ် ခွဲခြားဆက်ဆံတာ၊ အနိုင်အထက်ပြုကျင့်တာတွေ ရပ်တန့်ဖို့ လိုအပ်နေတဲ့အကြောင်း ထောက်ပြပြောဆိုခဲ့ကြသလို လူမျိုး ရေး၊ ဘာသာရေး ပဋိပက္ခတွေ ဖန်တီး နေသူတွေရဲ့ ထောင်ချောက်တွေကို ရှောင်ရှားဖို့ လိုတယ်ဆိုတာ ကိုပါ ထည့်သွင်းပြောကြားသွားခဲ့ကြပါတယ်။ နိုင်ငံရေးအကျဉ်းသားဟောင်း တယောက်ဖြစ် သလို ရာပြည့်အခမ်းအနား ကျင်းပရေးကော်မတီရဲ့ ပြောရေး ဆိုခွင့်ရှိသူ ဦးထွန်းကြည်က ဘာသာပေါင်းစုံ လေးစားချစ်ကြည်ရေးနဲ့ သဟဇာတဖြစ်ရေး၊ လူနည်းစု တိုင်းရင်း သားတွေ၊ ဘာသာဝင်တွေအပေါ် ဖိနှိပ်ခွဲခြားဆက်ဆံမှု ပပျောက်ရေး၊ ပြည်တွင်း ငြိမ်းချမ်းရေး၊ အမျိုးသား ပြန်လည်သင့်မြတ်ရေး၊ တိုင်းရင်းသားများ ကိုယ်ပိုင်ပြဋ္ဌာန်းခွင့် အပြည့်အဝ ရရှိရေးဆိုတဲ့ ရည်ရွယ်ချက်တွေနဲ့ ကျင်းပတာဖြစ် တယ်လို့ ရှင်းပြပါတယ်။ ဒါ့အပြင် ဗိုလ်မှူး ဘရှင်ဟာ တပ်မတော်မှာ တာဝန်ထမ်းဆောင်စဉ်က တာဝန် ကျေခဲ့သလို သမိုင်းပညာရှင် တယောက်အနေနဲ့ တာဝန်ကျေခဲ့သူဖြစ်လို့ လေးစားခံထိုက်တဲ့ တန်ဖိုး ထားထိုက်တဲ့ ပုဂ္ဂိုလ်ဆိုတာ ပိုပြီး ပေါ်လွင်ထင်ရှား လာရပါတယ်။ “သမိုင်းဆိုတာ ဆရာပြောတာလိုက်ရေး လိုက် မှတ်နေတာ သမိုင်းမဟုတ်ဘူး၊ တူးကြည့်မှ သမိုင်း မှန်တယ်” ဆိုတဲ့ ဒေါက်တာ ခင်မောင်ညွန့်ရဲ့ စကား ဟာ မှတ်သားစရာ ကောင်းနေပါတယ်။ ဘယ်ဘာသာကိုပဲ ကိုးကွယ် ကိုးကွယ် နိုင်ငံအပေါ်၊ ပြည်သူ အပေါ် အကျိုးပြုခဲ့သူကိုသာ လေးစားကြမှာပဲလို့ ကျမ တွေးမိပါရဲ့။ ရခိုင် တိုင်းရင်းသား ခေါင်းဆောင် ဦးအေးသာအောင်ကတော့ “ဗိုလ်မှူးကြီး ဘရှင်ဟာ ၁၉၅၆ ခုနှစ်မှာ တပ်မတော်က အငြိမ်းစားယူပြီး အာဏာသိမ်းတပ်မတော်မှာမပါဝင်တော့လို့ ကျနော် လေးစားတယ်” ဆိုတဲ့စကားကလည်း မှတ်သားစရာ ပါပဲ။ သေချာတာက ဗိုလ်မှူး ဘရှင်ဟာ တပ်မတော် မှာ အမှုထမ်းခဲ့ပေမယ့် ကိုယ်ကျိုးရှာတဲ့ အရာရှိ တယောက် မဟုတ်ပါဘူး။ “ငါကတော့ အစ္စလာမ် ဘာသာ၊ သူကတော့ ဗုဒ္ဓဘာသာ” လို့ ခွဲခြား အလုပ်လုပ်တတ်သူ မဟုတ်ဘူးဆိုတာ သူ့လုပ်ဆောင်ချက် တွေက သက်သေပြနေပါတယ်။ လက်ရှိအချိန်မှာ ကျမတို့ လိုအပ်နေ တာကလည်း လူမျိုး၊ ဘာသာ ခွဲခြားနေမယ့်အစား ငြိမ်းချမ်းရေးအတွက် ဒီမိုကရေစီ ရေးအတွက် အတူလက်တွဲ ပြီး ပန်းတိုင်ကို ရောက်အောင်သွားဖို့ပဲ ဖြစ်ပါတယ်။ ၁၉၆၂ ခုနှစ်နောက်ပိုင်းမှာ သမိုင်းကို လိမ်ညာ ဖုံးကွယ်မှုတွေကို လူတစုက ပြုလုပ်ခဲ့ကြပေမယ့် သမိုင်းဟာ ရပ်တန့်မနေသလို လိမ်ညာလို့လည်း မရပါဘူး။ နိုင်ငံရဲ့အတိတ်ကို မှန်မှန်ကန်ကန်သုံးသပ်နိုင်ဖို့ သမိုင်းအမှန် တွေ ဖော်ထုတ်ဖို့က သမိုင်းပညာရှင်တွေရဲ့ တာဝန်ဖြစ်ပြီး ဗိုလ်မှူးဘရှင်ဟာ အဲဒီ တာဝန်ကို ကျေပွန်ခဲ့သူပါ။ ပါမောက္ခ လု့စ်ရဲ့ ထင်ရှားတဲ့ စာအုပ်တအုပ်ဖြစ်တဲ့ Old Burma-Early Pagan စာအုပ်မှာ ဗိုလ်မှူး ဘရှင်က ပူးတွဲ ရေးသားသူ (Joint Author) အဖြစ် ပါဝင်ခဲ့ပါသေး တယ်။ သူ့ရဲ့ သုတေသန လက်ရာတွေထဲမှာ မြန်မာနိုင်ငံ သမိုင်းကော်မရှင်က ထုတ်ဝေခဲ့တဲ့ လောက ထိပ်ပန် (Loka Hteik Pan) ဟာ အထင်ရှားဆုံး ဖြစ်ပြီး ပုဂံအနုပညာနဲ့ ဗိသုကာ ပညာတွေကို အကျယ်တဝင့် ရှင်းပြထားတာ ပါ။ ဗိုလ်မှူး ဘရှင် ပြုစုခဲ့တဲ့ စာအုပ်တွေကိုကြည့်ရင် “ခေတ်သစ်မာဃ” (၁၉၃၇)၊ “မြန်မာနိုင်ငံ ကျေးလက်ပြုပြင် ရေး ကော်မတီ” (၁၉၃၉)၊ “မြန်မာနိုင်ငံ သမိုင်း” (၁၉၄၈)၊ “Loka Hteik Pan” (အင်္ဂလိပ်ဘာသာ) (၁၉၆၂)၊ “ပုဂံမင်စာစု” (၁၉၆၄)၊ “စစ်ရေး၊ နိုင်ငံရေး၊ လူမှုရေး ဆိုင်ရာ သမိုင်းစာတမ်း” (၁၉၆၉)၊ “အနော်ရထာ အရင်က မြန်မာနိုင်ငံ” (၁၉၇၀) လို့ တွေ့ရမှာ ဖြစ်ပါ တယ်။ ကွယ်လွန်တဲ့အချိန်အထိ အလုပ်အပေါ်တန်ဖိုး ထားပြီး နေထိုင်သွားခဲ့သူဖြစ်ပြီး ၁၉၇၀ ပြည့်နှစ် ဇန်နဝါရီလ ၇ ရက်နေ့မှာ ကွယ်လွန်ခဲ့တာပါ။ ဗိုလ်မှူးဘရှင် ကွယ်လွန်ခဲ့တာ ၄၅ နှစ်ရှိခဲ့ပြီဖြစ်ပေမယ့် သူ့ဂုဏ်သိက္ခာက ရှင်သန်နေဆဲပါပဲ။ ဒါ့အပြင် သူဟာ သူ့ရဲ့သမိုင်းကိုပါ အလှဆုံး ရေးသားသွားနိုင်ခဲ့ သူဆိုရင် မမှားပါဘူး။ ၂၀၁၅ ခုနှစ်အလွန် မြန်မာနိုင်ငံရဲ့ သမိုင်းကို ရော တချိန်ချိန်မှာ မှတ်တမ်းတင်တဲ့အခါ အရုပ်ဆိုး နေမှာလား၊ သမိုင်းကြောင်း ကောင်းမှာလားဆိုတာ ငြိမ်းချမ်းရေး၊ လွတ်လပ်တရားမျှတတဲ့ ရွေးကောက်ပွဲ၊ တိုင်းရင်းသား တွေ တန်းတူရည်တူရှိရေး၊ လူမျိုး ဘာသာ မခွဲခြားဘဲ မေတ္တာစိတ်နဲ့ ယှဉ်တွဲနေထိုင်ရေး တွေကို ဘယ်လောက် အထိ လက်တွေ့ဖော်ဆောင် နိုင်သလဲအပေါ် မူတည်နေပါတယ်။ သေချာတာက သမိုင်းဆိုတာ အချိန်ဘယ် လောက်ပဲကြာကြာ လိမ် ညာဖုံးကွယ်လို့မရဘဲ မှန်မှန်ကန်ကန် ရပ်တည်ရှင် သန်ခဲ့သူတွေကိုသာ သမိုင်းက “နေရာ” ပေးမှာလို့ ထင်မြင်မိပါကြောင်း။

ဧရာဝတီ မြန်မာ စာမျက်နှာမှ ကူးယူဖေါ်ပြပါသည်။ 

တရုတ်မြန်မာနယ်စပ်တွင် တရုတ်ဘက်မှ တိုက်လေယာဉ်များပျံဝဲနေ တရုတ်ပိုင်နက်အတွင်းသို့ ပစ်ခတ်ခဲ့မှု မရှိဟု မြန်မာဘက်က ငြင်းဆိုထား

Flowers News Via Yangon Media Group on Facebook. (Creditors). =============================================== - စိုင်းထွန်းအောင်လွင် ကိုးကန့်ဒေသနှင့် နယ်မြေချင်းထိစပ်နေသည့် တရုတ်မြန်မာနယ်စပ် တလျှောက်တွင် တရုတ်နိုင်ငံဘက်မှ စစ်လေယာဉ်များ ပျံဝဲနေကြောင်း တရုတ် သတင်းမီဒီယာများ၏ ဖော်ပြချက်အရ သိရသည်။ ‘ အခုနယ်စပ်မှာက တရုတ်တပ်မတွေနေရာယူထားသလို လေယာဉ်ပစ် လက်နက်တွေလည်း တပ်ဆင်ထားတယ် နယ်စပ်တလျှောက်မှာပါပဲ တရုတ်တိုက် လေယာဉ်တွေလည်း ၀ဲနေတယ် ‘ ဟု တရုတ်မြန်မာနယ်စပ် စစ်ရေးနိုင်ငံရေး အကဲခတ်တဦးက ဖလားဝါးနယူးစ်သို့ ပြောသည်။ မတ်လ ၁၃ ရက်နေ့က တရုတ်မြန်မာနယ်စပ်အနီး တရုတ်ပိုင်နက်အတွင်း ယူနန်ပြည်နယ် လင်ကန်းမြို့( မြန်မာဘက်မှ ချင်းရွှေဟော်၏ အရှေ့ဘက်ခြမ်း ) အတွင်းရှိ ကြံစိုက်ခင်းအတွင်း ဗုံးဆံထိမှန်မှုကြောင့် တရုတ်နိုင်ငံသား လေးဦး သေဆုံးခဲ့ရပြီးသည့် နောက်ပိုင်းတွင် ယခုကဲ့သို့ တပ်လှန့်မှုများ ပြုလုပ်လာခဲ့ခြင်းဖြစ်သည်။ တရုတ်လေတပ်၏ ပြောခွင့်ရပုဂ္ဂိုလ် ရှန်ဂျင်ခဲကလည်း တရုတ်လေယာဉ်များကို နယ်စပ်သို့ စေလွတ်ထားကြောင်း ဆင်ဟွာသတင်းဌာနသို့ ပြောကြားသည်ဟု ဆင်ဟွာ သတင်းဌာနက ဖော်ပြသည်။ မတ်လ ၁၃ ရက်နေ့က ဖြစ်ပွားခဲ့သည့် တပ်မတော်နှင့် ကိုးကန့်တပ်ဖွဲ့တို့၏ တိုက်ပွဲအတွင်း မြန်မာတပ်မတေ်ာဘက်မှ လေယာဉ်များ အသုံးပြုတိုက်ခိုက်ခဲ့ပြီး ဗုံးဆံအချို့မှာ တရုတ်ပိုင်နက်အတွင်းကျရောက်ခဲ့ကာ တရုတ်နိုင်ငံသား၎ ဦးသေဆုံးပြီး ၉ ဦး ဒဏ်ရာရရှိခဲ့ခြင်း ဖြစ်သည်ဟု တိုင်းရင်းသား လက်နက်ကိုင်အဖွဲ့များနှင့် တရုတ်မီဒီယာများက ဖော်ပြကြသည်။ ယင်းကိစ္စနှင့်ပတ်သက်ပြီး တရုတ်ဒုတိယ နိုင်ငံခြားရေးဝန်ကြီးမှ တရုတ်နိုင်ငံဆိုင်ရာ မြန်မာသံအမတ်ကြီး ဦးသစ်လင်းအုန်းကို ခေါ်ယူတွေ့ဆုံခဲ့ပြီး ဖြစ်စဉ်ကိုရှုံ့ချကြောင်းနှင့် အမှုမှန် ပေါ်ပေါက်လာစေ၇န် အတွက် စုံစမ်းစစ်ဆေးမှုပြုလုပ်ပေးရန် တောင်းဆိုခဲ့ကြောင်း မီဒီယာများက ဖော်ပြသည်.။ မြန်မာသမ္မတရုံးကမူ မြေပြင်သတင်းများအရ ယင်းကဲ့သို့တိုက်ခိုက်မှုမှာ တပ်မတော်လေယာဉ်များမှ ပြုလုပ်ခဲ့ခြင်း မဟုတ်ဟု ဆိုသည်။ သမ္မတရုံးမှ ညွှန်ကြားရေးမှူး ဦးဇော်ဌေးက ‘ အခုတိုက်ခိုက်ခဲ့တာက မြန်မာတပ်မတော်ဘက်က တိုက်ခိုက်တာ မဟုတ်ဘူး ၊ လေယာဉ်ပျံသန်းမှုနဲ့ဆိုင်တဲ့ Record တွေရှိတယ် မြေပြင်သတင်း အချက်လက်တွေရှိတယ် ၊ ပူးပေါင်းဆောင်ရွက်မှုတွေ ရှိခဲ့မယ်ဆိုရင် ဗုံးဆံကအစ သဲလွန်စတွေ ရမယ်ဆိုရင် ဒီကိစ္စက ဘယ်သူလုပ်သလဲဆိုတာ အဖြေကိုရှာနိုင်ပါလိ့မယ် ‘ ဟု ပြောသည်။ မြန်မာအနေဖြင့် တရုတ်သံတမန်များအား ခေါ်ယူရှင်းပြန်ရန် ရှိနေကြောင်းလည်း အဆိုပါ သ္မတရုံး အကြီးတန်းအရာရှိက ပြောသည်.။ ‘ ကျန်တော့်အမြင်နဲ့ပြောရရင် ဒီလိုကိစ္စတွေက မကောင်းဘူး အစကတည်းက အိပ်နေတဲ့ နဂါးသွားမနှိုးနဲ့လို့ ပြောခဲ့တာပဲ. တပိုင်းက တရုတ်နဲ့ သံတမန် အချင်းချင်းဖြေရှင်းဖို့လိုသလို တပိုင်းက အခုလို နယ်စပ်နားမှာ အင်အား ဘယ်လောက်မှ မရှိတဲ့အဖွဲ့တွေကို လေယာဉ်တွေသုံးပြီး တိုက်ခိုက်နေတာတွေ ကို ရပ်တန်းက ရပ်ဖို့လိုတယ်’ ဟု နယ်စပ်စစ်ရေး နိုင်ငံရေး အကဲခတ် တဦးဖြစ်သူ ဦးသန်းစိုးနိုင်က ပြောသည်။

ဂျာမနီမှာ မွတ်စလင်မ် ကျောင်းဆရာတွေ ခေါင်းစည်း စည်းတာ တားမြစ်မှု ရုပ်သိမ်း။

ဂျာမနီ မှာ မွတ်ဆလင် ကျောင်းဆရာ တွေကို ခေါင်းစည်း စည်းတာကို တားမြစ်တဲ့ အမိန့်ကို အမြင့်ဆုံး တရားရုံးက ပြန် ရုပ်သိမ်း ပေးခဲ့ပါတယ်။

၂ဝဝ၃ ခုနှစ်က ဆုံးဖြတ်ချက်ဟာ ဘာသာရေး လွတ်လပ်ခွင့် ကို ချိုး ဖောက် နေတယ်လို့ အခြေခံ ဥပဒေ ခုံရုံးက ဆုံးဖြတ် ခဲ့ပါတယ်။ မွတ်ဆလင် ကျောင်းဆရာမ တယောက် အလုပ်လျှောက်တာ မအောင်မြင် ခဲ့ရာက ဒီအမှု တရားရုံးကို ရောက်လာ ခဲ့တာ ဖြစ်ပါတယ်။ ထိပါးနှောင့်ယှက်မှု ကြီးကြီးမားမား ရှိမှသာ ဘာသာရေး အထိမ်းအမှတ်တွေကို တားမြစ် နိုင်တယ်လို့ အခြေခံ ဥပဒေ ခုံရုံး ဆုံးဖြတ်ချက်က ဖော်ပြ ထားပါတယ်။

ဂျာမနီနှင့် ဖင်လန်နိုင်ငံရှိ ရေဒီယိုများတွင် ကုရ်အာန်ကျမ်းတော်မြတ်ကို အနက်ဖွင့်ဆိုချက်နှင့်တကွ ထုတ်လွှင့်သွားမည်

==================== မတ် ၂၊ ၂၀၁၅ Credit to> M-Media - အစ္စလာမ်နှင့် ပတ်သက်၍ ပြည်သူများ၏ အသိပညာ တိုးပွားစေရန်အတွက် ကျမ်းတော်မြတ်မှ ပါဒတော်များ၏ အဓိပ္ပါယ်၊ အနက်ဖွင့်ဆိုချက်များနှင့်တကွ ဖင်လန်နှင့် ဂျာမနီရှိ ရေဒီယိုဌာနများမှ အပတ်စဉ် ထုတ်လွှင့်ပေးတော့မည်ဟု သိရသည်။ “ကျွန်တော်ပြန်တဲ့ ဘာသာပြန် ဖတ်ကြားတာကို ကြားရမှာ သိပ်ကောင်းပါတယ်။ ကုရ်အာန်းကျမ်းတော်မြတ် တစ်အုပ်လုံးကို ထုတ်လွှင့်ဖို့ဟာ အရေးကြီးပြီး အစ္စလာမ်ဟာ ဆိုးတယ်၊ အကြမ်းဖက်တယ်။ ဒါမှမဟုတ် အစ္စလာမ်ဟာ လှပတယ်၊ ကောင်းမွန်တယ်ဆိုတဲ့ အစိတ်အပိုင်းလေးတွေကိုပဲ ထုတ်ပြတာမျိုး မဖြစ်ရပါဘူး။ ပါဒတော်အားလုံးက နားထောင်သူတွေ ဆုံးဖြတ်ဖို့အတွက် ဖြစ်စေမှာပါ” ဟု ကုရ်အာန်ကျမ်းတော်မြတ်ကို ဖင်လန်ဘာသာသို့ ပြန်ဆိုခဲ့သူ ပရော်ဖက်ဆာ ဂျက်ကို ဟာမီန်း-အန့်တီလာက ဖင်လန် ရေဒီယိုကုမ္ပဏီ Yle ၏ Radio 1 သို့ ပြောကြားခဲ့သည်။ Yle ကုမ္ပဏီက ဆောင်ရွက်မည့် ထို ထုလွှင့်ခြင်းအစီအစဉ်မှာ တစ်ကြိမ်လျှင် နာရီဝက်စီကြာမြင့်မည်ဖြစ်ပြီး အပိုင်းပေါင်း ၆၀ ပါဝင်မည်ဖြစ်သည်။ အပိုင်းတစ်ခုချင်းစီတွင် ဖင်လန်မွတ်စလင်လူ့အဖွဲ့အစည်း ခေါင်းဆောင် အီမာမ် အနတ်စ် ဟက်ဂျာနှင့် ပါမောက္ခ ဟာမီန်း အန့်တီလာတို့၏ ဆွေးနွေးခန်းလည်း ပါဝင်မည်ဖြစ်သည်။ ၎င်းတို့နှစ်ဦးမှာ ဖတ်ကြားခဲ့သည့် ကုရ်အာန်ကျမ်းတော်မြတ် ပါဒတော်၏ ဘာသာရေးနှင့် သမိုင်းကြောင်းဆိုင်ရာများကို ဆွေးနွေးသွားမည်ဖြစ်သည်။ “အီမာမ် အနတ်စ် ဟက်ဂျာနဲ့ ကျွန်တော်တို့ဟာ စာပိုဒ်တစ်ခုကိုဖတ်ပြီး အဲဒီစာပိုဒ်ကို ရှုထောင့်ပေါင်းစုံက ချဉ်းကပ်ဖော်ပြသွားမှာပါတယ်။ အီမာမ်ဟက်ဂျာက ပါဒတော်ရဲ့ လက်တွေ့သဘောနဲ့ ခေတ်ပြိုင် အဓိပ္ပါယ်ကို ပြောသွားမယ်။ ကျွန်တော်ကတော့ ဒီပါဒတော်နဲ့ စက်ဆပ်နေတဲ့ သမိုင်းကြောင်းကို သုံးသပ်သွားမှာ ဖြစ်ပါတယ်” ဟု ပါမောက္ခ ဟာမီန်းက ပြောကြားခဲ့သည်။ ထို့ပြင် ထိုဆွေးနွေးမှုများတွင် လူပြည့်လောကနှင့် နောက်တမလွန်ဘ၀အကြောင်းများ၊ လူများကို အနှောက်အယှက်ပေးသည့် စာတန်မိစ္ဆာအကြောင်းနှင့် နေ့စဉ်ဘ၀ ကျင့်သုံးလိုက်နာရမည့် ညွှန်ကြားချက်များလည်း ပါဝင်မည်ဖြစ်သည်။ Yle ကုမ္ပဏီကမူ အဆိုပါ အစီအစဉ် ဆောင်ရွက်ရန်နှင့် ခွင့်ပြုချက်ရရှိရန် ဖင်လန်နိုင်ငံရှိ အစ္စလာမ်ဘာသာရေး တာဝန်ရှိသူများမှ ကိုယ်စားလှယ်များကို ဆော်သြတိုက်တွန်းခဲ့သည်။ “ဒီအစီအစဉ်က တစ်ယောက်နဲ့တစ်ယောက် နားလည်ဖို့အတွက် အရေးပါတဲ့ အဆင့်ပါပဲ။ ပြီးတော့ ကုရ်အာန်ကျမ်းတော်မြတ်နဲ့ ဒီထဲမှာ ပါဝင်တာတွေကို ပြောပြဖို့ ကြိုးပမ်းမှုလည်း ဖြစ်ပါတယ်” ဟု အီမာမ် အနတ်စ် ဟက်ဂျာက ထပ်လောင်းပြောကြားခဲ့သည်။ ဖင်လန်နိုင်ငံ၏ လူဦးရေ ၅.၂ သန်းတွင် အစ္စလာမ်ဘာသာကို သက်ဝင်ယုံကြည်သူဦးရေ ၄၀၀၀၀ မှ ၄၅၀၀၀ အကြား ရှိနေသည်။ ဂျာမနီတွင်လည်း ဆောင်ရွက်မည် ဂျာမနီ၏ Radio Deutschland ကလည်း ကုန်အာန်ကျမ်းတော်မြတ် ထုတ်လွှင့်မှု စီးရီးအသစ်ကို ယခုလတွင် စတင်မည်ဖြစ်သည်။ အဆိုပါ အစီအစဉ်ခေါင်းစဉ်ကို Quran declares ဟု အမည်ပေးထားပြီး လာမည့်သောကြာနေ့တွင် စတင်မည်ဖြစ်ကာ အပတ်စဉ် တင်ဆက်သွားမည်ဖြစ်သည်။ ၄ မိနစ်တာ ကြာမြင့်မည့် အဆိုပါ ထုတ်လွှင့်မှုအစီအစဉ်တွင် ကုရ်အာန်ကျမ်းတော်မြတ်ကို ပထမ ရွတ်ဖတ်သွားမည်ဖြစ်ပြီး နောက်ပိုင်းတွင် အစ္စလာမ့်ပညာရှင်တစ်ဦးက အဓိပ္ပါယ်ပြန်ဆိုချက်ကို ပြောကြားသွားမည်ဖြစ်သည်။ ဂျာမနီတွင် အစ္စလာမ်သာသာဝင်ဦးရေ ၄ သန်းခန့်ရှိမည်ဟု ယုံကြည်ရပြီး ဘာလင်မြို့တစ်မြို့တည်းတွင်ပင် ၂၂၀၀၀၀ ခန့် ရှိနေသည်။ ကုရ်အာန်ကျမ်းတော်မြတ်မှာ ဘုရားသခင်မှ တမန်တော်မုဟမ္မဒ်ထံ ချပေးခဲ့သည့် ကျမ်းစာဖြစ်ပြီး အာရဘီဘာသာစကားဖြင့် ရေးသားထားခြင်ဖြစ်ကာ လွန်ခဲ့သည့်နှစ်ပေါင်း ၁၄၀၀ ကျော် စတင်ကျရောက်လာသည့် အချိန်မှစ၍ ယခုအချိန်အထိ တစ်လုံးတစ်ပါဒမှ ပြင်ဆင်ပြောင်းလဲထားခြင်း မရှိချေ။ Ref: Onislam